Ширэн бээлийтнүүд Бразилийг зорилоо

“Рио-2016” олимпийн наадамд оролцох Монгол Улсын боксын эрэгтэй шигшээ багийн тамирчид өчигдөр Бразилийг зорилоо.

Энэ удаагийн зуны олимпод манай улсын боксын холбооны зургаан тамирчин оролцохоор болсон. Тодруулбал Г.Ган-Эрдэнэ /49 кг/, Х.Энх-Амар /52/, Э.Цэндбаатар /56/, Д.Отгондалай /60/, Б.Чинзориг /64/, Б.Түвшинбат /69/ нар юм.

Багийн ахлах дасгалжуулагчаар Д.Батсүрэн, туслах дасгалжуулагчаар Б.Эрдэнэбаяр, зөвлөх дасгалжуулагчаар Ё.Төмөрбатаар ажиллана. Баг тамирчид Хандгайтад бэлтгэлээ хийсэн бөгөөд Бразилд 12 хоног бэлтгэлээ үргэлжлүүлнэ. Ийнхүү боксын шигшээ багийн тамирчид Рио-г зорих тамирчдын салхийг хагаллаа.