Шөвгийн наймд өрсөлдөх теннисчид тодров

Мэргэжлийн эмэгтэй теннисчдийн холбооны ээлжит тэмцээн БНХАУ-ын Үхань хотноо болж байна. 2,5 сая ам.долларын шагналын сантай “Wuhan Open” тэмцээний шөвгийн наймд өрсөлдөх теннисчид бүрэн тодорлоо. Шөвгийн наймд шилдгүүдээс Польшийн А.Радваньска, Румыны С.Халеп, ОХУ-ын Кузнецова нар багтаад байна.

Харин тэмцээнийг тэргүүлэн тоглосон ХБНГУ-ын тамирчин А.Кербер хоёрдугаар тойрогт, АНУ-ын Винус Уильямс гуравдугаар тойрогт өрсөлдөгчдөө хожигдсон. 2015 оны тус тэмцээний аварга Винус өчигдөр ОХУ-ын Кузнецовад хоёр үеийн тоглолтод дийлдсэн юм.

Шөвгийн наймын оноолт:

• Чехийн Петра Квитова - Их Британы Конта

• Румыны С.Халеп - АНУ-ын Мэдисон Кэйс

• ОХУ-ын С.Кузнецова – Польшийн А.Радваньска

• Словакийн Д.Цибулкова – Чехийн Барбора Струкоав нарын теннисчид үлдээд байна.

Тэмцээний аварга маргааш тодорно.