Сибирийн баавгайнууд ялагдал хүлээлээ

Өнөөдрийн эхний тоглолт болох ОХУ-Словакын тоглолт амжилттай болж өндөрлөлөө. Уг тоглолтонд Словакын шигшээ багийн хагас хамгаалагч Марэк Хамшик тун сайн тоглосоноор Словакчууд ялалт байгуулж гурван оноо авлаа.

ОХУ илүү довтолж тоглож байсан хэдий ч Словакчууд хоёр гоол оруулж чадсан юм. Тоглолтын турш шүүгч ердөө нэг л удаа шар хуудас өргөсөн бөгөөд түүнийг Словакын хамгаалагч Дүрица хүртсэн юм. Ингэснээр Словакчууд гурван оноотойгоор хэсгээ тэргүүлж эхэллээ.