Сорилго барилдаан ирэх ням гарагт болно

Монгол оронд Шүүхийн шийдвэр гүйцэтгэх алба үүсэн байгуулагдсаны түүхт ойд зориулсан Үндэсний баяр наадмын сорилго барилдаан ирэх ням гарагт Монгол бөхийн өргөөнд болно. Үүнд улс, аймгийн цолтой 224 хүчтэн зодоглох бөгөөд тус барилдаанаас улсын наадмын өнгийг тольддог билээ.

Сонирхуулахад, өнгөрсөн жилийн дээрх барилдаанд Увс аймгийн Улаангом сумын харьяат, улсын харцага Ө.Бат-Орших түрүүлж, Төв аймгийн Баянхангай сумын харьяат, улсын заан Б.Батмөнх үзүүрлэж байсан юм.