Спортын гимнастикийн "Харайлт"-ын тэмцээн болно

Монголын Гимнастикийн холбооноос Спортын гимнастикийн "Харайлт"-ын тэмцээнийг зохион байгуулахаар болжээ. Тус тэмцээн энэ сарын 23-ны өдрийн 13:00 цагаас гимнастикийн төв зааланд болох бөгөөд тэмцээн эрэгтэй, эмэгтэй ахлах, өсвөр гэсэн 2 насны ангиллаар явагдана.

Түүнчлэн тамирчид харайлтын тэмцээнд олон улсын дүрмийн дагуу 2 харайлт хийж гүйцэтгэх юм. Тодруулбал, Олимпийн дүрмийн дагуу насны ангилал нь:

• Ахлах нас 16 наснаас дээш насны тамирчид

• Өсвөр нас 16 наснаас доош насны өсвөрийн тамирчид байх юм.

Тэмцээнийг Спортын гимнастикийн техникийн хорооноос томилогдсон шүүгчид шүүх бөгөөд харайлтын хүндрэл, гүйцэтгэлийг шүүгчид олон улсын дүрмийн дагуу шүүж явуулах ажээ.