Спортын салбарынхан шатрын аваргаа тодруулна

Монголын үндэсний олимпын хорооны гишүүн спорт холбоодын шатрын нөхөрсөг тэмцээн ирэх сарын 1-нд зохион байгуулагдахаар болжээ. МҮОХ-ноос гишүүн спорт холбоодынхоо хамтын ажиллагааг дэмжих, спортын төрлүүдийг сурталчлах зорилгоор нөхөрсөг тэмцээнүүд зохион байгуулдаг. Уг уламжлалын дагуу энэ жилийн тэмцээн шатрын спортын төрлөөр болох бөгөөд ерөнхий зохион байгуулалтыг Монголын шатрын холбоо хариуцан ажиллаж байна.