“Спрайт” лиг энэ бямба гарагт нээлтээ хийнэ

Долоо дахь жилдээ зохион байгуулагдаж буй “Спрайт” Хөгжлийн лигийн сагсан бөмбөгийн тоглолтын нээлтийн ажиллагаа маргааш 12:00 цагт Спортын төв ордонд эхлэх гэж байна.

Тус тэмцээн сонирхогчдын сагсан бөмбөгийн хүчирхэг, хамгийн олон оролцогчийг хамруулдаг. 2014-2015 оны улирлын тоглолтод нийт 62 багийн 1000 гаруй тамирчин залуус хурд хүчээ сорин өрсөлдөж байна. Жил ирэх тусам оролцогчийн хүрээгээ тэлж буй энэхүү лиг сагсан бөмбөг тоглохыг хүссэн хэн бүхэнд нээлттэй байдаг билээ.