Сүхбаатар аймгийн баг Баянхонгор Мазаалайг хожив

Үндэсний лигийн тэргүүн хэсгийн ээлжит тоглолт Баянхонгор Мазаалай болон Сүхбаатар Дарьганга Альянс Тех багийн хооронд болсон. Уг тоглолтод Сүхбаатар Дарьганга Альянс Тех баг өрсөлдөгчөө 108-93 харьцаатай хожлоо.

Тоглолтын эхэнд 4-3-аар “Мазаалай” баг тэргүүлж байснаас хойш 44 минут Сүхбаатар Дарьганга Альянс Тех баг илүүрхсэн. Тус тоглолтод Сүхбаатар багаас А.Гансүх болон Б.Батзолбоо нар 20-с дээш оноог авч багаа тэргүүлжээ. Харин эсрэг багаас Н.Ганбаатар 26 оноо, 14 самбар авсан байна. Ийнхүү Сүхбаатар баг 2-2 гэсэн амжилттай болсон бол Баянхонгор Мазаалай баг нэг хожил хоёр хожигдолтой болж байна.

Сонирхуулахад, Үндэсний лигийн тэргүүн хэсгийн ээлжит тоглолт өнөөдөр МҮЭСТО-д болох бөгөөд 18:00 цагт Баянхонгор Мазаалай баг Өвөрхангай Тэнүүн-Өлзий багийн эсрэг тоглоно.