Сумын заан Т.Дүгэрдорж түрүүллээ

Сумын цолтой болон залуу бөхчүүдийн энэ жилийн хаалтын барилдаан Монгол бөхийн өргөөнд болов.

Барилдаанд сумын заан 208, сумын харцага хоёр, сумын начин 15, залуу бөх 55 нийт 280 бөх зодоглосноос Завхан аймгийн Отгон сумын харьяат, “Даян” дэвжээний бөх сумын заан Т.Дүгэрдорж түрүүлж, Увс аймгийн Ховд сумын харьяат, “Таван-Хан” дэвжээний бөх, сумын заан Н.Ширчинхүү үзүүрлэсэн бол Өвөрхангай аймгийн Хар хорин сумын харьяат, “ИМХ” дэвжээ, “Монгол жонш” ХХК-ны бөх сумын заан О.Наранбаатар нар их шөвөгт шалгарлаа.