“Сутайн бор” клубын тамирчид амжилт гаргажээ

Говь-Алтай аймгийн Тонхил сумын “Сутайн бор” клубын тамирчид оны эхэнд болсон улсын чанартай тэмцээнд тэргүүн байруудад орсон амжилт үзүүлжээ.

Тус аймагт ганц байдаг уулын спортын тус клубынхэн өсвөрийн тав, насанд хүрэгчдийн мөн таван тамирчинтай юм.

Монгол Улсын уулын спортын ууган мастер Ядамын Жанцангийн үр хүүхдүүд Тонхил сумын “Сутайн бор” клубт 17 сая төгрөгийн багаж хэрэгсэл бэлэглэжээ.

Бэлтгэлээ сайн хийвэл улсын аварга шалгаруулэх тэмцээн төдийгүй тив, дэлхийн тэмцээнд амжилт үзүүлэх боломж байна гэж тус клубын тэргүүн, уулын спортын мастер Х.Нямдоо ярилаа.