Т.Чахар Азийн аварга боллоо

Индонез Улсад пауэрлифтингийн насанд хүрэгчид, залуучуудын Азийн аварга шалгаруулах тэмцээн болж байна.

Энэ сарын 6-нд өндөрлөх уг тэмцээнд Монголын пауэрлифтингийн холбооны ерөнхий нарийн бичгийн дарга Д.Баттулгын удирдлага дор манай 14 тамирчин оролцож буй.

Өнөөдрийн хувьд мастер ангиллын 74 кг-ын жинд Т.Чахар гурван төрөлд аваргалаж Азийн аварга гэсэн хүндтэй цолыг хүртлээ.

Тодруулбал, тэрбээр суултын төрөлд 195.5, хэвтээ шахалтын төрөлд 147.5, газраас таталтын төрөлд 170 кг-ыг өргөснөөр алтан медаль хүртжээ.

Үүнээс өмнө насанд хүрэгчдийн газраас таталтын 66 кг-д Д.Батсайхан мөнгө, залуучуудын хэвтээ шахалтын 59 кг-д А.Эрдэнэцогт мөн адил мөнгөн медаль хүртсэн билээ.