Т.Хулан мөнгө, Д.Хатанзаяа, Д.Намуун хүрэл медаль хүртэв

Ази тивийн аварга шалгаруулах практик буудлагын гар бууны тэмцээн энэ сарын 9-17-нд Филиппин улсын Липа хотноо болсон. Тус тэмцээнд Монгол Улсаас дөрвөн баг, 13 тамирчин оролцсон юм.

Үүнээс “Production optics” ангилалд 77 тамирчин өрсөлдсөнөөс эмэгтэйчүүдийн хувийн дүнгээр спортын дэд мастер Т.Хулан мөнгөн медаль хүртлээ. Харин “Production” ангилалд 224 тамирчин өрсөлдсөнөөс junior буюу 21 хүртэлх насныхны багийн дүнгээр Д.Хатанзаяа, Д.Намуун нар хүрэл медалийн эзэн болсон байна.