Т.Түвшинтулга, Д.Алтангэрэл, Ж.Чулуунбат нарын виз өнөөдөр шийдэгдэнэ

АНУ-ын Лос-Анжелос хотод эннэ сарын 11-12-нд болох дэлхийн шилдэг найман багийн “Дэлхийн цом”-ын тэмцээнд оролцох Монголын чөлөөт бөхийн эрэгтэй багийн түрүүч өнгөрсөн баасан гарагт явсан. Гэхдээ Т.Түвшинтулга, Д.Алтангэрэл, Ж.Чулуунбат нарын виз гараагүй ч өнөөдөр эсвэл маргааш гарна хэмээн албаны хүмүүс нь мэдэгдэв.

Тус тэмцээнд ДАШТ-нд багийн дүнгээр эхний найман байр эзэлсэн нь урилгаар оролцдог. Монголын эрэгтэй чөлөөт бөхийн шигшээ багийн хувьд гурван жил дараалан шилдгүүдийн “Дэлхийн цом”-д өрсөлдөх гэж байна.

Тэмцээнд дараах бөхчүүд хүч үзнэ.

• 57 кг: Э.Бэхбаяр, С.Батболд

• 61 кг: Т.Түвшинтулга

• 65 кг: Г.Мандахнаран, Б.Батмагнай

• 70 кг: Д.Алтангэрэл

• 74 кг: П.Өнөрбат

• 86 кг: Т.Үйтүмэн

• 97 кг: Д.Хүдэрбулга

• 125 кг: Ж.Чулуунбат тус тус барилдана.