“Талын түмэн адуу”-ны баяр Хэнтий аймагт болно

Морьтон Монголын ахуй, биет бус соёлын өвийг хадгалах, адуу дагасан соёлыг сурталчлах “Талын түмэн адуу”-ны баяр ирэх арваннэгдүгээр сарын 1-3-ны хооронд Хэнтий аймагт болно.

Үүнийг БОАЖЯ, ЗГХА Соёл, урлагийн газар, Хэнтий аймгийн ЗДТГ, Батноров сум болон бусад хувийн хэвшлийн компанийн дэмжлэгтэйгээр “Мөнх харилцаа” ТББ -аас санаачлан хэрэгжүүлж буй.

Тус арга хэмжээнд улс, аймгийн аварга адуучин болон адуу сонирхогчид 2000 адуун сүрэгтэй оролцох гэнэ.

Мөн ӨМӨЗО-оос 10 гаруй адуучин уламжлал ёсоор ирж оролцох гэж буй нь арга хэмжээний бас нэгэн онцлог болж байна.

Энэ удаагийн “Талын түмэн адуу” эвентийн хөтөлбөрт дараах үйл ажиллагаа багтжээ.

• Сүлдэнд мөнхөрсөн хүлэг адууны тухай дуу дуулаачдын тэмцээн

• Торгон тар богино зайн бооцоот уралдаан

• Хэнтий аймгийн хэмжээнд Шилмэл гүү шалгаруулалт

• Адууны зүс нэршлийн танилцуулга

• Хос морьдын хөтөлгөө, ховор зүсний адууны цуваа

• Уран уургач шалгаруулах ШУРГУУ 2019 тэмцээн

• Эмнэг булгиулах үзүүлбэр, тэмцээн

• Батноров, Дарьганга, Сэврэй хийцийн нэгдсэн бүтээлийн үзэсгэлэн

• Тал нутгийн тайга нохойн уралдаан, хийц шалгаруулалт

• Адууны хийморь гэрэл зургийн уралдаан, үзэсгэлэн

• Удамт Монгол хүүхдийн морьтон парад зохиогдоно

• Баяр наадмын зочдод зориулсан хүндэтгэлийн тоглолт.