Тамхи хүнийг залхуу болгодог байна

Бразилийн Лондрины их сургуулийн эрдэмтдийн явуулсан судалгаагаар тамхи татдаг хүмүүс бусдаас илүү залхуу хойрго, үлбэгэр байдаг нь батлагджээ.
Судлаачид тамхи татдаг 50 хүн, татдаггүй 50 хүнийг сонгож аваад тэдэнд алхаа хэмжигч төхөөрөмж зүүжээ.
Хэмжигч төхөөрөмж туршилтад хамрагдагсдын туулж байгаа зайг хэмжсэн бол дээр нь тэдгээр хүмүүс тусгай анкетыг бөглөн, өөрсдийн биеийн байдлыг үнэлж дүгнэсэн байна.

Тэгтэл тамхи татдаг хүмүүс ядарч, туйлдаж байгаагаа илүүтэйгээр илэрхийлж, амьдралдаа нааштай өөрчлөлтүүд хийх урам зориг дулимаг байгаа гэдгээ өгүүлжээ.