”Таны таталбар зураг” өдөрлөг болно

Уран бүтээлчдийг дэмжих, уран бүтээлчид, урлагт хайртай хүмүүсийг холбож өгөх зорилготой "Таны таталбар зураг" ээлжит өдөрлөгийг өнөөдөр "Blue mon" арт галерейд зохион байгуулна.

Таталбар, судалбар зургийг улам идэвхтэй хийж дадал болгох нь уран бүтээлчийн чадвар бүтээмжийг нэмэгдүүлдэг юм байна. Мөн уран бүтээлчдийн хамтын ажиллагааг холбож өгөх хамгийн дөт төрөл нь таталбар зураг гэнэ. Тиймээс уран бүтээлчдийг цаас харандаагаа бариад манай өдөрлөгт ирээрэй хэмээн зохион байгуулагч "Blue moon" арт галерейгаас урьж байна.