Тэмка МУСТА боллоо

Инээдмийн баярт зориулсан хошин урлагийнхны “The Best of Comedy” хоёрдугаар наадам боллоо. Ёслолын арга хэмжээнд "Маск", "Х ТҮЦ", "Эмоци", "Шинэ Үе", "Мөрөөдлийн театр", "Шилдэг өнгө", "Чапи&Суурь" зэрэг хамтлаг, продакшнууд болон МУГЖ Ж.Галсантогтох, Л.Чаминчулуун, Б.Туяа зэрэг хошин урлагийн анхдагч уран бүтээлчид оролцсон юм. Нэгдсэн тоглолтоос олсон бүх орлогыг гуравдугаар төрөх эмнэлэг болон хүүхдэд зориулсан сайн үйлсэд хандивлах юм.

Тоглолтын үеэр "Эмоци" хамтлагийн жүжигчин С.Тэмүүжин буюу Тэмка, "Маск" продакшны жүжигчин Г.Чулуунцэцэг, “Х Түц” хамтлагийн жүжигчин А.Туяа, “Шинэ үе” хамтлагийн жүжигчин Ц.Алдармаа нар МУСТА цол тэмдгээр энгэрээ мялаалаа.