“Тэмүүжин” цогцолборыг Халимагт байгуулна

Халимагийн Бүгд Найрамдах Улсын Элиста хотод түүхийн аялал жуулчлалын “Тэмүүжин” цогцолбор байгуулахаар болсон.

Чингис хааны эзэнт гүрэн, 13-р зууны монголчуудын түүх соёлд тулгуурлан байгуулах уг цогцолборт Монгол Улсын түүхийн музей, Халимаг улсын түүхийн музей багтах юм байна.

УИХ-ын дэд дарга Л.Цог, УИХ-ын гишүүн М.Зоригт нар өнөөдөр ОХУ-ын Халимагийн Бүгд Найрамдах Улсын Элиста хотын Иргэдийн хурлын төлөөлөгчдийн тэргүүлэгч В.Намруевыг хүлээн авч уулзах үеэрээ энэхүү төслийг дэмжиж, хамтран ажиллахаа илэрхийлжээ.