Тэргүүн байрт шалгарсан найрагч гурван сая төгрөг хүртэнэ
Наадмын онцлог нь сурагч, оюутан, мэргэжлийн яруу найрагчдыг хамруулахад оршиж байгаа аж. Тодруулбал сурагчдыг бага, дунд, ахлах гэж гурав ангилна. Үүнээсээ эхний таван байрыг шалгаруулж, 300 ширхэг ном хэвлэх эрх, мөнгөн шагналаар урамшуулах юм байна.
Мэдээллийн алба
“Монголынхоо төлөө” нэртэй яруу найргийн наадам, дуун цэнгүүн маргааш “Улаанбаатар паласе”-т болно.
Энэхүү наадам нь анх удаа зохион байгуулагдах гэж байгаа бөгөөд цаашид жил бүрийн нэгдүгээр сард уламжлал болон зохиогдох гэнэ.
Наадмын онцлог нь сурагч, оюутан, мэргэжлийн яруу найрагчдыг хамруулахад оршиж байгаа аж. Тодруулбал сурагчдыг бага, дунд, ахлах гэж гурав ангилна. Үүнээсээ эхний таван байрыг шалгаруулж, 300 ширхэг ном хэвлэх эрх, мөнгөн шагналаар урамшуулах юм байна.
Дараагийн үе нь оюутнуудын дунд болох бөгөөд мөн таван байр эзлүүлж, түрүүлсэн нь сая, хоёр, гуравдугаар байр эзэлсэн нь 500, 300 мянган төгрөг гардах гэнэ.
Харин хамгийн сонирхолтой хэсэг болох мэргэжлийн яруу найрагч, зохиолчдоос түрүүлсэн нь гурав, аман хүзүүдсэн нь нэг сая, удаах байрууд 500, 300, 200 мянган төгрөг, Чингис, Өгөөдэй, Хубилай, Мөнх, Галданбошигт хааны нэрэмжит цом хүртэх юм байна.
Найрагчид эх орны сэдэвтэй гурван шүлгээр өрсөлдөх бөгөөд одоогоор 600 орчим оролцогч бүртгүүлээд байгаа аж.
Түүнчлэн Монгол Улсын гавьяат жүжигчин Н.Чулуунхүү, С.Батсүх, У.Далантай, Х.Үнэнхүү, дуучин Б.Батболд, Л.Уранмандах, Г.Батсүх, “Гурван бүдүүн” хамтлаг ая дуугаа өргөнө.
Ерөнхий зохион байгуулагчаар “Чингис хааны зарлигаар” ХХК ажиллаж байна.
