Ц.Энхтөр өнөөдөр төгөлдөр хуураа эгшиглүүлнэ

Төгөлдөр хуурч Ц.Энхтөр өөрийн уран бүтээлийн 20 жилийн ойн концертоо яг одоо ДБЭТ-ын тайзнаа толилуулах гэж байна.

Тэрбээр тоглолтдоо В.А.Моцартын Төгөлдөр хуур симфони найрал хөгжмийн концерт №12 К414 /ля мажор/, Ф.Шопенын Төгөлдөр хуур симфони найрал хөгжмийн концерт №1 оп.11 /ми минор/, Э.Григийн Төгөлдөр хуур симфони найрал хөгжмийн концерт оп.16 /ля минор/ /1-р анги/, С.Прокофьевийн Төгөлдөр хуур симфони найрал хөгжмийн концерт №1 оп.10, З.Хангалын Төгөлдөр хуур симфони найрал хөгжмийн концерт №2 зэрэг бүтээлийг эгшиглүүлэх аж.

Мөн А.Энх-Амгалан, Б.Золзаяа, М.Хүсэл нар ая дуугаа өргөхөөс гадна Ардын жүжигчин, Төрийн соёрхолт Ц.Намсрайжавын нэрэмжит улсын филармонийн симфони найрал хөгжим, удирдаач Д.Нямдаш оролцоно.