Ц.Цогтбаяр: М.Пүрэвтунгалагийг дэлхийд аваргад явуулаач
Та нар улсын аварга болсон хүмүүс л дэлхийн аваргад явна гэж шийдээ биз дээ. Наад охиноо дэлхийд аваргад явуулаач
Мэдээллийн алба
Чөлөөт бөхийн эмэгтэйчүүдийн 53 кг-ын жинд Баянхонгор аймгийн харьяат, “Женко” клубийн бөх М.Пүрэвтунгалаг түрүүлсэн. Ийн тэрбээр энэ жилийн ДАШТ-д өрсөлдөх эрхтэй болсон юм. Гэтэл МЧБХ-ноос түүний оронд ДАШТ-ий мөнгөн медальт Э.Сумъяаг оролцуулах шийдвэр гаргажээ. Үүнээс үүдэн М.Пүрэвтунгалаг өчигдөр аав, ээжтэйгээ хамт хэвлэлийн хурал хийсэн талаар бид мэдээлсэн.
Тэгвэл Чөлөөт бөхийн шигшээ багийн ахлах дасгалжуулагч асан Ц.Цогтбаяр дээрх асуудалтай холбоотойгоор өөрийн цахим хуудаснаа байр сууриа илэрхийллээ. Тэрбээр “Бид нарыг л яваад өгвөл чөлөөт бөх хөгжөөд л, хэрүүл нь арилаад алаад өгөх л юм яриад байсан хэвэндээ шив дээ. Чааваас гэж. Шударга байлдаа Батбаяр, Баттулга, Баярсайхан, Цэдэнсодном, Батзориг, Ууганаа нар аа. Та нар улсын аварга болсон хүмүүс л дэлхийн аваргад явна гэж шийдээ биз дээ. Наад охиноо дэлхийд аваргад явуулаач.
