Ц.Түмэнжаргал тэргүүн байрт шалгарлаа

Монгол Улсын төрийн шагналт, ардын жүжигчин, хөдөлмөрийн баатар, зууны манлай уртын дууч Н.Норовбанзадын мэндэлсний 85 жилийн ой энэ онд тохиож байна. Ойн хүрээнд түүний нэрэмжит уртын дуучдын олон улсын анхдугаар уралдаан Улаанбаатар хотод зохион байгуулагдлаа.

Олон улсын уртын дуучдын уралдааныг хоёр ангиллаар зохиов. Ийнхүү “Б” буюу “Авьяастан” ангилалд Б.Хүрэлбаатар түрүүлж, Г.Оюун-Эрдэнэ, М.Өлзийбат, С.Дэлгэрмаа нар удаалав.

Харин “А” буюу “Мэргэжлийн дуучдын ангилал”-д “Хос шарга” дууны эзэн, ҮДБЭЧ-ын дуучин Ц.Түмэнжаргал тэргүүн байрт шалгарлаа.

Уралдаанд олон улсын 200 гаруй уртын дуучин оролцов.