“Цагийн толь” сонин 25 нас хүрлээ

“Цагийн толь” сонин 25 нас хүрлээ. Анхны чөлөөт хэвлэлүүдийн нэгт зүй ёсоор багтдаг тус сонин нь анх МУБИС-ийн буюу хуучнаар УБИС дээр Дарь.Сүхбаатар тэргүүтэй оюутнуудын үүсгэл санаачлагаар гарч байжээ.

Тэд “Цагийн толь” сониныхоо анхны дугаарыг 1988 оны 11 дүгээр сарын 5-ны өдөр гаргасан аж.

Өдгөө тус сонин нь МУБИС-ийн Сэтгүүл зүйн тэнхмийн дэргэд төвлөрч тасралтгүй гарч байна.

Сонины ойтой холбогдуулан өнөөдөр МУБИС дээр дугуй ширээний уулзалт, ярилцлагыг 15:00 цагт зохион байгуулах юм.

Тус сониныг үүсгэн байгуулагч Дарь.Сүхбаатар нь ардчилсан хувьсгалын анхны 13-ын нэг бөгөөд өдгөө Онцгой байдлын Ерөнхий газрын дэд даргаар ажилладаг дээд тушаалын комиссар юм.