“Цахим болор цом” наадмын бүртгэл явагдаж байна

Олон нийтийн цахим хуудас хүн бүрийн өдөр тутмын хэрэглээ болж буй өнөө үед энэ байдлыг зарим нэг овсгоотой хүмүүс янз бүрээр сэтгэн давуу тал болгон ашиглах болжээ.

Жил бүр уламжлал болон зохион байгуулагддаг “Болор цом” яруу найргийн наадмаас санаа авсан “Цахим Болор Цом” яруу найргийн наадам тун удахгүй зохион байгуулагдана. Наадмын зохион байгуулагч, санаачлагч нь СГЗ С.Оюун юм. Цахим сүлжээ facebook хуудсыг ашиглан шилдэг 20 бүтээлийг шалгаруулан олон нийтэд зарлана. “Цахим Болор Цом” наадамд оролцогчдын бүтээлийг 12 сарын 25-ныг дуустал хүлээн авах аж.