Цэнгэлдэх хүрээлэнгийн эргэн тойронд хог ихэдсээр байна

Цэнгэлдэх хүрээлэнгийн эргэн тойронд хог хөглөрөн үзэгдэх нь ихэдсээр байна. Сүхбаатар дүүргийн тохижилт үйлчилгээний компаний нийт 60 ажилтан өчигдөр оройноос хойш дөрвөн машин хог ачаад байгаа ч хүчин чадал нь хүрэлцэхгүй байгаа аж. Наадамчин олон төв цэнгэлдэхийн эргэн тойронд майхан хүртэл зоон тухласнаас гадна ил задгай сууж хооллох нь их байгаа учраас ийнхүү хог ихээр овоороход хүрээд байна.

Сүхбаатар дүүргийн ТҮК-ээс наадамчин олондоо хандан цэвэрхэн наадахыг уриаллаа. Тус ажлын хэсгийнхэн маргааш 13 цаг хүртэл ажиллах юм байна.