Циркийн өвөрмөц шоу тоглолт болно

Энэ сарын 22-30-ны хооронд Америк, Өмнөд Африк, Герман, Украйн, Унгар, Хятад, ОХУ болон Монголын уран бүтээлчдийн хамтарсан циркийн өвөрмөц шоу тоглолт “Баянгол” ресторанд болох гэж байна.

Монте-Карлогийн наадмын мөнгөн цом хүртсэн Английн “Алтан хүчтэнүүд”, БНХАУ-ын Уханийн олон улсын циркчдийн “А” зэрэглэлийн тэмцээний мөнгөн цомын эзэн Өмнөд Африкийн уран нугараач, Гиннесийн амжилтыг гурван удаа эвдсэн АНУ-ын цагаригаар наадагч, Европ тивд нэрд гарч буй Украйны каберет бүжигчдийн гайхалтай тоглолтуудыг харах боломжтой.