Тулаанч Б.Гантогтох, Б.Батхүлэг нар алт, мөнгөн медаль хүртжээ

ОХУ-ын Эрхүү хотноо энэ сарын 19-22-ны өдрүүдэд болсон муайтай боксын олон улсын тэмцээнд манай тамирчдаас насанд хүрэгчдийн ангиллын 60 кг-ын жинд залуу тамирчин Б.Гантогтох түрүүлж, 54 кг-д Б.Батхүлэг мөнгөн медаль хүртжээ.

Эрхүүгийн олон улсын тэмцээнд дасгалжуулагч О.Алтанпүрэвийн удирдлага дор өсвөр, залуучууд, насанд хүрэгчдийн ангилалд эрэгтэй долоо, эмэгтэй нэг тамирчин оролцсон юм.

Манай тулаанчдыг ирэх гуравдугаар сарын 5-8-ны өдрүүдэд Улаан-Үд хотноо болох Буриадын аварга шалгаруулах нээлттэй тэмцээн, 16-23-нд Тайландын Бангкокт болох Олон улсын оюутны спортын холбоо (FISU)-ны оюутны ДАШТ хүлээж байна.