“Түмэн эх” чуулгынхан шинэ үүц задаллаа

Үндэсний язгуур бүжгийн хөдөлгөөнүүд хэрхэн орчин үеийн модерн, контемперари урлагтай хоршин буйг өнгөрсөн амралтын өдөр “Түмэн эх” чуулгын тайзнаас үзэж сонирхлоо.

Дуу чимээ бүхэнд байдаг хэмнэл, хүч, хурд, ур дүйг тэд тайзнаа ийнхүү бие, сэтгэлээрээ илэрхийлсэн юм.

Эдгээр модерн бүжгүүдийг соёлын тэргүүний ажилтан, бүжиг дэглээч А.Хосбаяр, соёлын тэргүүний ажилтан, бүжиг дэглээч М.Мөнгөнцэцэг, соёлын тэргүүний ажилтан Ч.Сэсээрхүү, соёлын тэргүүний ажилтан Б.Жаргал, соёлын тэргүүний ажилтан Х.Хашхүү нар дэглэжээ.

Харин тайзнаа соёлын тэргүүний ажилтан Ч.Сэсээрхүү, У.Амартүвшин, Э.Ундрал, Т.Содгэрэл, Н.Номин-Эрдэнэ, Д.Батсайхан, Э.Эрдэнэхүү, Б.Байгаль, О.Төгс-Эрдэнэ нар бие, сэтгэлээрээ дамжуулан “Хөдөлгөөн, хэмнэл, оршихуй”-г үзэгчдэд хүргэсэн юм.