Төмөр замчдын баяраар хүчит 128 бөх барилдана

Улаанбаатар төмөр зам үүсэн байгуулагдсаны түүхт 70 жилийн ойд зориулсан улс, аймгийн алдар цолтой хүчит бөхийн барилдаан маргааш Хүй долоон худагт болно. Бай шагнал өндөртэй энэ барилдаанд 128 бөх хүч сорих юм.

Жил бүрийн 8 дугаар сарын эхээр Улаанбаатар төмөр замын баяр наадам “Хонхор” өртөөнд болж, бөхчүүд оролцон барилддаг. Сүүлийн жилүүдэд УБТЗ-д ажилладаг бөхчүүдийн дунд зохиох болсон энэ наадмыг өнөө жил түүхт ойгоо тохиолдуулан нээлттэй хэлбэрээр зохион байгуулахаар шийджээ.