Төмөр замын бүтээн байгуулалтын ажлын явцтай танилцлаа

“Монголын төмөр зам” ТӨХК-ийн Гүйцэтгэх захирал О.Батчулуун, Төмөр замын газрын дарга Б.Артур нар Багахангай-Хөшигийн хөндий чиглэлийн салбар төмөр замын бүтээн байгуулалтын ажлын явцтай газар дээр нь танилцаж, санал солилцлоо.

Энэхүү шинээр баригдаж буй салбар төмөр зам нь Багахангай өртөөнөөс салаалж, Төв аймгийн Сэргэлэн сумын нутгаар дайрч Хөшигийн хөндий хүртэл нийт 102 км урт дан замтай, 2.5 км урт гүүрэн байгууламжтай байхаар төлөвлөж буй юм.