Туркчууд манай багийг хожлоо

Ираны Керманшах хотод өчигдөр чөлөөт бөхийн эрэгтэйчүүдийн багийн “Дэлхийн цом”-ын тэмцээн эхэлсэн билээ. Шилдэг багууд уригдан оролцдог уг тэмцээний “А” хэсэгт АНУ, Азербайжан, ОХУ, Гүрж, “В” хэсэгт Энэтхэг, Иран, Турк, Монголын баг багтсан юм.

Монголын баг Энэтхэгийг 7:1-ээр хожиж, эхний хожлоо аваад байсан. Тэгвэл өнгөрсөн шөнө Туркийн багтай барилдаж, 5:3-аар ялагдав. Өнөөдөр манай баг хэсгийн сүүлийн барилдаанаа Ирантай хийнэ. Энэхүү барилдаан Улаанбаатарын цагаар 13:30-ээс эхэлнэ.

"В" хэсэгт Иран хоёр хожилтой тэргүүлж байгаа бол Турк, Монгол нэг хожил, нэг хожигдолтой удаалж буй. Харин Энэтхэг хоёр хожигдолтойгоор хэсгийн сүүлд бичигдэж байна.

"А" хэсэгт АНУ-ын баг Оросыг 6:3-оор, Азербайжаны бөхчүүд Гүржийг 4:2-оор хожлоо.

"B" ХЭСЭГ:

МОНГОЛ - ЭНЭТХЭГ 7:1 /2017.02.16/

• 57 кг: З.Занабазар - өрсөлдөгч нь барилдаагүй 1:0

• 61 кг: Т.Тулга - Харфул Харфул 4:2

• 65 кг: Б.Батмагнай - Бажранг Бажранг 3:1

• 70 кг: Г.Мандахнаран - Амит Кумар Жанхар 4:3

• 74 кг: Б.Анхбаяр - Хитендер Хитендер 8:7

• 86 кг: П.Өнөрбат - Дипак Пуния 7:8 цэвэр ялагдсан

• 97 кг: Ө.Батзул - Роублежит Сингх 14:6

• 125 кг: Н.Золбоо - Кришан Кришан 3:0

МОНГОЛ- ТУРК 3:5

• 57 кг: С.Батболд- Сезарь Акгуль /цэвэр ялагдсан/

• 61 кг: Э.Ням-Очир - Эрдоган Чингисхаан 2:4

• 65 кг: Б.Батмагнай - Сефа Аксой 3:9

• 70 кг: Г.Мандахнаран - Якуп Гор 6:0

• 74 кг: Б.Анхбаяр - Ислам Килич 1:12

• 86 кг: П.Өнөрбат - Селим Яшар-Кортоев 1:10

• 97 кг: Ө.Батзул - Фарук Акон, 7:4

• 125 кг: Н.Золбоо - Риза Йлдырым, 6:2