Төв цэнгэлдэхийн засвар, тохижолтийн ажил хэвийн явагдаж байна
Өнөөдрийн байдлаар тус засвар, тохижолтийн ажилд 2-3 компанийн 50-60 хүн өдөр шөнөггүй уртасгасан цагаар ажиллаж байгаа бөгөөд цагтаа амжиж Наадмын комисст ажлаа хүлээлгэж өгөх гэнэ.
Мэдээллийн алба
Улсын баяр наадам болоход 11 хоног үлдлээ. Дэнж хотойтол нааддаг наадамчдын хамгийн их очдог газар бол Төв цэнгэлдэх хүрээлэн болон түүний эргэн тойронд буй Сур, Шагай харвааны асар билээ.
Төв цэнгэлдэх хүрээлэнгийн засварын ажилд энэ жил Наадмын комиссоос 15 сая төгрөг төсөвлөж өгсөн бөгөөд засвар, тохижолт үйлчилгээний ажил өнөөдрийн байдлаар хэвийн явагдаж байна.
Жилийн жилд дээрх хэмжээний мөнгийг Наадмын комиссоос төсөвлөж өгдөг ч энэ нь хаанаа ч хүрдэггүй хэмээн “Төв Цэнгэлдэх Хүрээлэн” компанийн зохион байгуулагч Б.Төмөрбаатар учирлав.
Өнөөдрийн байдлаар тус засвар, тохижолтийн ажилд 2-3 компанийн 50-60 хүн өдөр шөнөггүй уртасгасан цагаар ажиллаж байгаа бөгөөд цагтаа амжиж Наадмын комисст ажлаа хүлээлгэж өгөх гэнэ.
Түүнчлэн 15000 хүний багтаамжтай Цэнгэлдэх хүрээлэнт тодорхой хэмжээний суудал нэмж тавихаар Наадмын комиссынхон бэлтгэл ажлаа хангаж байна.
