Туялзуур сэлэмний шүүгчдэд зэрэг олгоно

Монголын туялзуур сэлэмний холбоо маргааш шүүгчдийн II семинар, шүүгчийн зэрэг олгох шалгалтыг зохион байгуулах гэнэ.

Энэ нь дотоодын тэмцээнийг шүүх болон олон улсын шүүгчийн шалгалтад орох эрхийг олгох шалгалт гэсэн үг юм. Иймд одоогоор семинар, шалгалтад дөрвөн клубын 20 гаруй шүүгч оролцохоор бүртгүүлжээ.

Сургалт, шалгаруулалт МҮОХ-ны хурлын танхимд болно.

Сонирхуулахад Монголын туялзуур сэлэминий холбооны шүүгч А.Халиунаа, Б.Цолмон нар өнгөрсөн онд Азийн зэрэглэлийн шүүгч болсон билээ.