Туялзуур сэлэмний өсвөр үеийн аваргууд тодорлоо

Туялзуур сэлэмний өсвөр үе, залуучуудын улсын аварга шалгаруулах тэмцээн энэ сарын 18-нд долоо дахь удаагаа боллоо. Тус тэмцээнд таван клубийн 60 гаруй тамирчин өрсөлдөж хурд хүч, авхаалж самбаагаа сорьсон юм. Үүнээс хөвгүүдийн 17 хүртэлх насны ангилалд Т.Тулуй түрүүлж, О.Гигүүлэн мөнгө, Б.Гандөл, Г.Сумьяабалдан нар хүрэл медалийн эзэн боллоо.

Харин охидын 17 хүртэлх насны ангилалд Б.Энхмэнд тэргүүлж, Ц.Цогцэцэн мөнгө, А.Уранбилэг, Г.Ундрал хүрэл медаль хүртэв.