Ө.Чагнаадорж тэмцээнээ дуусгалаа

“Рио-2016” олимпийн наадмын хүндийн өргөлтийн 56 кг-жинд манай улсын тамирчин ОУХМ Ө.Чагнаадорж өрсөлдсөн. Тэрээр анхны захиалгаа 103 кг-аар өгсөн ч, өргөлт амжилтгүй болж, тэмцээнээ дуусгалаа.

Өмнө нь Ази тивийн Дэлхийн аварга шалгаруулах тэмцээнд 110 кг огцом өргөж, 140 түлхэлттэй өргөж байсан хэдий ч энэ удаа гурван оролдлого амжилтгүй болсон юм.

Үүнд, олимпод оролцох эрхийг түүнд 7 хоногийн өмнө ирүүлсэн, тэмцээн болохоос нэг өдрийн өмнө Рио Де Жанейрод бууснаас цагийн зөрүү сайн гараагүй.“Рио-2016” зуны олимпийг зорих замдаа онгоцонд 3-4 кг жин хассан зэрэг сэтгэл санааны бэлтгэл хангалттай байгаагүй гэх мэт шалтгаан нөлөөлсөн байх талтай юм. Гэсэн ч Ө.Чагнаадоржид маш их ирээдүй бий.