УДБЭТ-ын гоцлол дуучин Э.Отгонбат дуурийн дулаачдын олон улсын уралдаанд өрсөлдөнө
Дэлхийн өнцөг булан бүрээс материалаа илгээсэн хэдэн зуун дуучнаас уламжлал ёсоор цөөхнийг урьж тайзнаа өрсөлдүүлэхээр урихад Монголын дуучин Э.Отгонбат багтжээ.
Мэдээллийн алба
Бид дахин нэг сайхан дуучиндаа амжилт хүсч, дээлийнх нь захыг мушгиж суух өдрүүд айсуй.
УДБЭТ-ын гоцлол дуучин, баритон Э.Отгонбат Чех Улсын Прага хотод энэ сарын 21-26-нд болох алдарт дуучин Пласидо Домингогийн нэрэмжит дуурийн дулаачдын олон улсын уралдаанд өрсөлдөхөөр тус хотод очоод байна.
Дэлхийн өнцөг булан бүрээс материалаа илгээсэн хэдэн зуун дуучнаас уламжлал ёсоор цөөхнийг урьж тайзнаа өрсөлдүүлэхээр урихад Монголын дуучин Э.Отгонбат багтжээ.
Энэхүү уралдаан одоогоос долоон жилийн өмнө Бээжинд болоход Монгол Уосын гавьяат жүжигчин Э.Амартүвшин тэргүүлж байсан билээ.
Олон улсад нэр хүндтэй уг уралдаанд хоёр дахиа Монгол дуучин оролцох нь. Түүнтэй холбоо барьж амжилт хүсэнгээ сэтгэгдлийг нь сонсоход "Томоохон хэмжээний уралдаанд анх удаа оролцох гэж байна. Олон мундаг дуучин иржээ. Юутай ч мөрөөдлийнхөө үзүүрээс атгасандаа баяртай байна" гэсэн юм.
Уг уралдаанд ердөө сарын өмнө Чайковскийн XVI уралдаанд аман хүзүүдсэн БНСУ-ын дуучин оролцохоор очжээ. Гэхдээ эмээх юун. Урагшаа. Сонгодог урлагийн талбарын дайчин залуу минь.
