УИХ-ын гишүүд шатар тоглож өрсөлдөнө

Монгол Улсад байнгын ажиллагаатай Парламент байгуулагдсаны 25 жилийн ой энэ өдрүүдэд тохиож байгаа билээ. Ойн баярыг тэмдэглэн өнгөрүүлэх ажлын хүрээнд Улсын бага хурал болон Улсын Их Хурлын үе үеийн гишүүд, түүний Тамгын газрын ажилтнуудын дунд "Парламент 2015" шатрын тэмцээн зохион байгуулагдах гэж байна.

Тэмцээн маргааш буюу бямба гарагийн 09:00 цагт Төрийн ордонд эхлэх бөгөөд тэмцээн швейцарь системээр найман өрөг тоглох аж. Түүнчлэн тэмцээнийг гишүүдийн болон ажилтнуудын гэсэн хоёр ангиллаар, нээлттэй төрлөөр явуулах юм байна.