УИХ-ын гишүүн Ё.Отгонбаярын хэргийг прокурорт шилжүүлнэ

УИХ-ын гишүүн Ё.Отгонбаярыг өөрийн эхнэр О.Эрдэнэсолонгын дансаар мөнгө угаасан байж болзошгүй гэх үндэслэлээр УИХ-ын гишүүний эрхийг түдгэлзүүлэх хүсэлтийг цагдаагийн байгууллагаас УИХ-д хүргүүлжээ. Цагдаагийн байгууллагаас түүнийг Боловсролын сайд байхдаа 50 мянган ам. долларыг хууль бусаар авсан болох нь тогтоогдсон талаар ЦЕГ-ын Хэвлэл мэдээллийн төвийн ажилтан цагдаагийн ахмад Ё.Лхагвасүрэн хэллээ.

Хууль зүйн сайд Х.Тэмүүжин “Ё.Отгонбаярын хэргийг сайтар шалгах хэрэгтэй. Учир нь ганц нэг тоогоор яригдах мөн­гөн дүн биш. Олон газраас мэдээлэл цуглуулж, нягтлах шаардлагатай бай­на” гэдгийг хууль хяналтын байгууллагад мэдэгдэж байсан юм. Хэргийг удахгүй прокурорт шилжүүлэх ажээ.