Улсын баяр наадмын шагайн харваа эхэллээ

Монголын тулгар төрийн 2222 жил, Их Монгол улс үүсгэн байгуулагдсаны 807 жил, Ардын хувьсгалын 92 жилийн ойн баяр наадмын шагайн харвааны хэсгийн тоглолт өнөөдөр эхэллээ. Энэ жилийн тэмцээнд арван таван аймаг, нийслэлийн 42 багийн 360 харваачид цэц мэргэнээ сориод байгаа. Харваанд 15-тай залуу харваачаас эхлээд, 90 настай ахмад буурал харваачид оролцож байна. Өнөөдөр хэсгийн харваанд хувийн цуваа харваа дуусна. Харин маргааш хагас шигшээ тоглолттой юм байна.