"Унаганууд", "Хангарьд" клубынхан өрсөлдөнө

Монголын Хөлбөмбөгийн Холбоо, "Пепси" брэндтэй хамтран хоёр дахь жилдээ зохион байгуулж буй футзалын "Пепси лиг" хэсэг завсарласны эцэст эргэн ирлээ. Энэ амралтын өдрүүдээр болох "Пепси лиг"-ийн гуравдугаар тойрог, энэ улирлын хамгийн чухал тойргоор нэрлэгдэж байна.

Нэгэн сонирхолтой тоглолт өнөөдөр 14:00 цагт МХБХ-ны футзалын ордонд "Унаганууд", "Хангарьд" клубын хооронд болно. Улан-Удэ хотод зохиогдож буй тэмцээнд футзалын дээд лигт гурван жил дараалан аваргалсан "Унаганууд" оролцож байгаа. Том тэмцээн, хол зам туулан лигийн чухал тоглолт хийх "Унаганууд"-ыг "Хангарьд" зогсоож чадвал тэдний дийлдэшгүй цувралыг таслах боломжтой. Өнгөрсөн улиралд "Хангарьд" "Унагануудад" ганц хожигдон мөнгөн медаль хүртсэн тул өнөөдөр аваргын цомын үнэтэй тоглолт болох юм.