Үндэсний спортын их наадам мөсний шагайгаар эхэлнэ

Дөрвөн жил тутамд нэг удаа болдог үндэсний спортын их наадам тав дахь удаагаа болох гэж байна. Үндэсний бөх, хурдан морь, сур, шагайн харваа зэрэг 10 төрлөөр хоёр үе шаттайгаар явагдана.

Наадам мөсний шагайгаар эхлэх бөгөөд энэ амралтын өдрүүдэд Туулын хар усан тохойд болохоор товлогджээ. Одоогоор хот, хөдөөгийн 200 гаруй харваач өрсөлдөхөөр мэдүүлгээ ирүүлээд байна.

Энэ талаар Монголын үндэсний шагайн харваан холбооны Ерөнхий нарийн бичгийн дарга н.Эрдэнэ-Очир ярьж байна.