Үндэстэн , ястан хүүхдүүдийн уулзалт, өдөрлөг боллоо

Удам судар, өв уламжлал, ёс заншилаа танин мэдэх , хүүхэд , өсвөр үеийнхэндээ өвлүүлэн сурталчлах зорилго бүхий үндэстэн , ястан хүүхдүүдийн уулзалт, өдөрлөгийг Орхон аймгийн хүүхэд гэр бүл хөгжлийн хэлтэс аймгийн музейтэй хамтран зохион байгууллаа. Өдөрлөгт Халх, Буриад , Торгууд, Хотон, Казак, Захчин, Баяд, Дөрвөд зэрэг үндэстэн, ястны үндэсний хувцас , дээлээр гоёсон 120 хүүхэд ардын язгуур урлагаас толилууллаа. Өдөрлөгийн үеээр Захчин ястны өв , уламжлал, хувцас , эдлэж хэрэглэж байгаа зүйлийнхээ талаар 80 насны сүүдэр тохиож байгаа өндөр настан МУСТА, ардын авъяастан н.Пагма сонирхолтой яриаг хүүхэд багачуудад хүүрнэсэн юм.