Үндсэн хуулийн цэцийн дарга үзэсгэлэн гаргана

Монгол Улсын Үндсэн хуулийн цэцийн дарга, гавьяат хуульч, академич Ж.Амарсанаа өөрийн авсан гэрэл зургийн үзэсгэлэнгээ маргааш буюу 11 сарын 29-нд МУЭ хорооны танхимд нээнэ. Ж.Амарсанаа 8 настайгаасаа гэрэл зураг авч эхэлсэн бөгөөд эх орондоо болон хилийн чанадад айлчилж, амарч, аялж явахдаа нүдэндээ өртсөн сонин содон бүхнийг гэрэл зураг болгон буулгажээ. Үзэсгэлэнд хөшөө дурсгал, уран баримлын гэрэл зургаа олноор дэлгэгдэнэ. Өмнө нь тэрбээр Япон улсын тухай үзэсгэлэн гаргаж байсан юм.