Өнөөдөр чөлөөт бөхийн 53 кг-ын жинд ОУХМ Э.Сумъяа өрсөлдөнө

Тэрбээр эхний тойрогт Польшийн бөх К.Кравцыктай барилдана. Түүнийг ялвал Швед, Нигерийн бөхчүүдийн аль хожсонтой нь шөвгийн наймд өрсөлдөнө. Энэ жингийн тэргүүн бөх олимпийн гурван удаагийн аварга Японы Саори Ёшида эхний тойрогт Азарбайжаны бөхтэй таарчээ.

Э.Сумъяа 1990 оны хоёрдугаар сарын 28-нд Архангай аймагт төрсөн олимпийн наадамд анх удаа оролцох гэж буй тэрбээр 2013 оны ДАШТ, Оюутны Универсиад наадам, Дэлхийн цомоос мөнгөн медаль хүртсэн билээ.