Өнөөдөр “Сүүлчийн шөнө” киноны хэвлэлийн хуралтай

Төрийн соёрхолт найруулагч Н.Наранбаатарын бүтээл “Сүүлчийн шөнө” МУСК-ны нээлт энэ сарын 10-нд тохионо. Уг киноны зохиолыг СГЗ, яруу найрагч Ш.Гүрбазар туурвижээ.

Мэргэжлийн уран бүтээлчид “Сүүлчийн шөнө” киноны гол ба туслах дүрийг бүтээсэн байна.

Төрийн соёрхолт, Гавьяат жүжигчин Ц.Төмөрбаатар, Гавьяат жүжигчин Н.Батцэцэг, СТА О.Оюун, С.Болд-Эрдэнэ, О.Гэрэлсүх, Н.Отгонтогос, УДЭТ-ын жүжигчин М.Тотохжаргал, залуу жүжигчин О.Дөлгөөн нараас бүрдсэн баг найруулагчийн шинэ уран бүтээлд оролцжээ. “Сүүлчийн шөнө” киноны хэвлэлийн бага хурал өнөөдөр 12 цаг 20 минутаас “Монгол ньюс” мэдээллийн төвд болох аж.

Н.Энхээ