Уран бичлэгийн үзэсгэлэн дэлгэгдэнэ

Монголын Соёл, яруу найргийн академи, Орчин үеийн уран зургийн гале- рей хамтран “Тэнгэр, нар, түншлэл” нэртэй уран бичлэгийн үзэсгэлэнг ирэх наймдугаар сард зохион байгуулахаар болжээ.

Монгол, Япон улсын хооронд соёлын харилцаа тогтоосны 40 жилийн ойд зориулан гаргаж буй уг үзэсгэлэнг Улаанбаатар хотноо зохион байгуулах аж. Үзэсгэлэнд хоёр улсын нийгэм, улс төрийн зүтгэлтнүүд оролцох болсныг зохион байгуулагчид нь онцолжээ.

Тодруулбал, Японы Ерөнхий сайд Шинзо Абэ, Гадаад Хэргийн сайд Ф.Кешида нар оролцохоор болсон байна. Тэд үзэсгэлэнд каллиграфи бичиж оролцоно.

Үзэсгэлэнгийн үеэр уран бичлэгийн сонирхолтой үзүүлбэрүүдийг толилуулах гэнэ. Үзэсгэлэн “Blue Moon” галерейд нээгдэх бөгөөд энэ оны сүүлчээр Япон улсад гаргахаар төлөвлөжээ.