Уран гулгалтын ДАШТ цуцлагджээ
Өмнө нь тус тэмцээн 1961 онд АНУ-ын шигшээ баг онгоцны ослоор амь үрэгдсэний улмаас цуцлагдаж байсан юм.
Мэдээллийн алба
Коронавирусийн тархалтын улмаас дэлхий нийтийг хамарсан олон үйл ажиллагааг цуцлан, хойшлуулж байна.
Тухайлбал Канадын Монреальд энэ сарын 18-22-нд зохион байгуулагдахаар төлөвлөгдөж байсан уран гулгалтын ДАШТ-ийг цуцлах шийдвэр гарчээ.
ДЭМБ-аас коронавирусийн халдварын дэгдэлтийг цар тахал хэмээн зарласны дараа энэ шийдвэрийг гаргасан байна. Тэмцээнд 30 гаруй орны 183 тамирчин оролцохоор төлөвлөж байжээ.
Өмнө нь тус тэмцээн 1961 онд АНУ-ын шигшээ баг онгоцны ослоор амь үрэгдсэний улмаас цуцлагдаж байсан юм.
Тодруулбал, Нью Йоркоос Брюссель рүү нисэж байсан 61 зорчигчтой онгоц сүйрсэн бөгөөд зорчигчдын 34 нь ДАШТ-д оролцох АНУ-ын шигшээ багийн тамирчин, дасгалжуулагч, арын албаныхан байсан гэдэг.
