"Үүлэн хүү" цуврал ном гарлаа

“Үүлэн хүү” нэртэй хүүхдийн цуврал ном худалдаанд гарлаа. Эцэг, эхчүүд бидний хүүхдүүддээ хэлэх гээд ойлгуулах гээд чаддаггүй асуудлуудыг таны хүүхдэд хялбар аргаар үлгэрлэн үзүүлснээрээ тус цуврал сонирхолтой болжээ.

Тус цуврал номд Үүлэн хүү, хүүхэд багачуудад олон зөв зүйтэй зүйлсийг зааж зааварлан, ээж, аавын сайн хүү, эмээ, өвөөгийн элбэрэлт охин, ах, эгчийн онц дүү байхын тулд ямар байх ёстойг үлгэрлэн харуулах юм.

“Үүлэн хүү” ном нь зурагтай учраас уншихад сонирхолтой, түүнчлэн хүүхдүүдийн ертөнцөд өрнөдөг үйл явдлыг бодитоор харуулж, үлгэр дууриал болж байгаа учраас багачуудын хүмүүжилд сайнаар нөлөөлөх аж.