Уулын марафон гүйлт-2019 тэмцээн боллоо

Монголын үндэсний скайраннингын холбооноос 2 дахь жилдээ зохион байгуулсан Уулын спортын мастер, Монголын үндэсний скайраннингын холбооны тэргүүн Н.Сүрэнжав /Сэнгүү/агсны нэрэмжит Уулын марафон гүйлт-2019 тэмцээн 04.06нд Манзушир-Цэцээ гүн чиглэлд нийт 6км-т зохион байгууллагдлаа.

Тус тэмцээнд нийт 186 тамирчин хурд хүч, авхаалж самбаагаа сорин уралдсан Эрэгтэй төрөлд 121 тамирчин гараанд гарсан бол эмэгтэй төрөлд 65 тамирчин өрсөлдөн бүгд бариандаа амжилттай орсон. Эмэгтэй төрөлд Мазаалай клубын тамирчин Т.Уртнасан 54.23.10 гэсэн цагийн амжилт үзүүлэн түрүүлсэн бол эрэгтэй төрөлд Увс аймгаас оролцсон Н.Лувсаншарав 35.44.58 гэсэн цагийг үзүүлэн барианд орсноор тус тэмцээний аваргаар тодорлоо.