В.Карпин 400 мянган еврогоо аваад халагдах уу

Испанийн хөл бөмбөгийн “Мальорка” баг ерөнхий дасгалжуулагчаа халж магадгүй байна. Учир нь Валерий Карпин дасгалжуулагчтай “Мальорка” баг долоон тойргийн тоглолт хийсэн ч хоёрхон оноо аваад байгаа юм.

Тоглогч ахуйдаа тус багт гялалзаж байсан Валерий Карпин багийн дасгалжуулагчаар томилогдсоноор хамгийн сүүлд өнгөрсөн ням гарагт “Сарагоса”-тай тоглож 2:0-ээр ялагдсан бөгөөд багийн удирдлагууд энэ тоглолтын үр дүнгээс шалтгаалан халах эсэхээ шийднэ гэж байжээ.
Тоглолт “Мальорка”-гийн хожигдлоор өндөрлөсний дараа багийн захирал Мигель Анхель Надаль В.Карпинтай байгуулсан гэрээг судалж эхэлсэн байна. Хэрвээ В.Карпин халах юм бол Испанийн баг түүнд гэрээгээ хугацаанаас өмнө цуцласны төлбөр 400 000 евро төлөх юм.